ഗുവാഹത്തി: ഐപിഎൽ 19-ാം സീസണിൽ ഇന്ന് ചെന്നൈ സൂപ്പർ കിംഗ്സ് രാജസ്ഥാൻ റോയൽസ് പോരാട്ടം. ഗുവാഹത്തിയിലെ ബർസപാര സ്റ്റേഡിയത്തിൽ രാത്രി 7.30നാണ് മത്സരം.
സഞ്ജു സാംസണും രവീന്ദ്ര ജഡേജയും അവരുടെ മുൻ ഫ്രാഞ്ചൈസികളുമായി ഏറ്റുമുട്ടുന്ന മത്സരം കൂടിയാണിത്. ഒരു പതിറ്റാണ്ടോളം താൻ നയിച്ചതും പ്രതിനിധീകരിച്ചതുമായ രാജസ്ഥാൻ റോയൽസിനെതിരേയാണ് സഞ്ജു കളിക്കുക. രവീന്ദ്ര ജഡേജ തന്റെ മുൻ ടീമായ ചെന്നൈ സൂപ്പർ കിംഗ്സിനെതിരേ കളിത്തിലിറങ്ങും.
2026 ട്വന്റി20 ലോകകപ്പ് ഇന്ത്യയുടെ നേട്ടത്തിൽ നിർണായക പങ്ക് വഹിച്ച സഞ്ജു ചെന്നൈ ക്യാപ്റ്റൻ ഋതുരാജ് ഗെയ്ക്വാദിനൊപ്പം നിർണായക റോൾ വഹിക്കും. എം.എസ്. ധോണി പരിക്കിനെ തുടർന്ന് രണ്ടാഴ്ച വിശ്രമത്തിലായത് ചെന്നൈക്ക് തിരിച്ചടിയാണ്്. ധോണിയുടെ അഭാവത്തിൽ സഞ്ജു കീപ്പറാകും. ധോണിക്ക് പിന്നാലെ ഡെവാള്ഡ് ബ്രേവിസും പരിക്കിനെ തുടര്ന്ന് ഇന്നത്തെ മത്സരത്തില് കളിക്കില്ല.
ചെന്നൈയുടേത് സന്തുലിതമായ ടീമാണ്്. സഞ്ജു സാംസണ്, ഋതുരാജ് ഗെയ്ക്വാദ്, ഡെവാൾഡ് ബ്രെവിസ്, ശിവം ദുബെ, ആയുഷ് മാത്രെ എന്നിവരടങ്ങുന്ന ബാറ്റിംഗ് നിര. നൂർ അഹമ്മദ്, അകേൽ ഹൊസൈൻ, മാറ്റ് ഹെൻറി, ഖലീൽ അഹമ്മദ് എന്നിവരടങ്ങുന്ന ബൗളിംഗ് ആക്രമണം. വിജയത്തിന് അനിവാര്യമായതെല്ലാം ടീമിലുണ്ട്.
റിയാൻ പരാഗ് നയിക്കുന്ന രാജസ്ഥാൻ റോയൽസ് യശസ്വി ജയ്സ്വാൾ, വൈഭവ് സൂര്യവംശി, ഷിമ്രോണ് ഹെറ്റ്മെയർ തുടങ്ങിയ ബാറ്റർമാരെ ആശ്രയിച്ച് മുന്നോട്ട് നീങ്ങും. ബൗളിംഗ് നിര ദുർബലമാണ്.
Deepika
E-paper LOGIN
LOGIN
